Mbi procedurën e aplikimit për vizë bashkimi familjar ose “Spouse Visa” –Një udhëzues I hollësisshëm i aplikimit
Procedura e aplikimit pë vizë bashkimi familjar mund të duket e komplikuar, veçanërisht kur nënkupton diçka kaq të rëndësishme si bashkimi me të dashurin e zemrës. Për ata që janë duke menduar të bashkohen me partnerin e tyre në Mbretërinë e Bashkuar, Viza për Bashkim Familjar është një hap shumë i rëndësishëm. Ky udhëzues synon të çmitizojë procesin e Vizës për bashkim familjar, duke shpjeguar se çfarë përfshin dhe si të aplikoni me sukses.
Çfarë është UK Spouse Visa?
Viza për bashkim familjar, e njohur ndryshe si Vizë Martese, lejon qytetarët jo britanik të
bashkohen me partnerët e tyre në Britaninë e Madhe. Kjo vizë është e projektuar për çiftet të cilët janë ligjërisht të martuar ose në bashkëjetesë dhe që duan të jetojnë sëbashku në MB.
Cilat janë kushet që duhet të plotësoni?
Për tu kualifikuar për vizën e bashkimit familjar, aplikanti dhe sponsori (qytetar britanik apo personi me leje qëndrimi të përhershme) duhet të plotësojnë kriteret e mëposhtme:
Kërkesat sa i përket lidhjes suaj:
Ju duhet të jeni ligjërisht të martuar ose në bashkëjetesë. Lidhja juaj duhet të jetë e vërtetë dhe e provuar. Ju duhet të keni jetuar bashkë për të pakën dy vite, ose ju duhet të jeni ligjërisht të martuar.
Kërkesat Financiare:
Sponosori duhe të provojë që ka të ardhura vjetore minimumi në shumën
£29,900.
Nëse keni femijë, të ardhurat vjetore rriten me £2,400 shtesë, për çdo fëmijë.
Përndryshe, ju mund të plotësoni kërkesat financiare nëpërmjet kursimeve ose një
kombinimi të të ardhurave dhe kursimeve.
Kërkesa për gjuhën angleze:
Aplikanti duhet të provojë se mund të flasë dhe të kuptojë anglisht. Kjo mund të
bëhet përmes kalimit të një testi të miratuar të gjuhës angleze.
Akomodimi:
Ju duhet të keni akomodim të përshtatshëm si për ju ashtu edhe për partnerin tuaj,
pa u mbështetur në fondet publike.
Historiku i emigracionit:
o Ju nuk duhet të keni precedentë penalë dhe nuk duhet të shkelni rregullat e
imigracionit në Mbretërinë e Bashkuar.
Si të aplikoni për Spouse Visa?
Mbledhja e dokumenteve:
Prova e marrëdhënies: Certifikatë martese, foto së bashku dhe çdo dokument tjetër që vërteton se marrëdhënia është e vërtetë.
Prova Financiare:
Pasqyra bankare, fletëpagesa ose dokumentacion tjetër që
vërteton të ardhurat dhe/ose kursimet.
Prova e gjuhës Angleze: Rezultatet e Testit ose çertifikata.
Prova e Akomodimit: provë për akomodim të përshtatshëm.
Dokumentat e Identifikimit: Pasaporta, certifikatat e lindjes dhe lejet biometrike
të qëndrimit (nëse ka).
Plotësimi i Formularit të Aplikimit:
Aplikimi bëhet online nëpërmjet faqes së internetit të qeverisë së Mbretërisë së Bashkuar. Ju do të duhet të krijoni një llogari, të plotësoni formularin dhe të
paguani tarifën e aplikimit.
Paraqitja në Qendrën e Aplikimit:
Pas dorëzimit të aplikimit tuaj, do tju kërkohet të shkoni në takim ku do të merren
shenjat e gishtave dhe fotografia juaj. Kjo zakonisht bëhet në një qendër lokale
aplikimi për vizë.
Dërgimi i Dokumenteve:
Në varësi të vendndodhjes tuaj, mund tju duhet ti dërgoni dokumentet tuaja në
një qendër përpunimi ose ti ngarkoni ato në internet.
Koha e marrjes së vendimit:
Koha e përpunimit për një aplikim për vizë bashkimi familjar mund të ndryshojë,
por zakonisht zgjat rreth 2-3 muaj. Gjatë kësaj periudhe, Vizat dhe Emigracioni i
Mbretërisë së Bashkuar (UKVI) do të shqyrtojë aplikimin dhe dokumentet tuaja.
Pas Miratimit të vizës
Pasi të jepet viza, do tju lejohet të jetoni dhe punoni në MB për 2.5 vjet. Para se të skadojë, do tju duhet të aplikoni për një zgjatje të lejes së qëndrimit. Pas pesë vjetësh siaps kësaj kategorie vize, mund të keni të drejtë të aplikoni për leje të pacaktuar për të qëndruar (ILR), e cila ju jep qëndrim të përhershëm.
E RËNDËSISHME
Viza për bashkim familjar është jetike për ata për çiftet që dëshirojnë të ndërtojnë jetën e tyre së bashku në MB. Ndërsa procesi i aplikimit përfshin disa hapa dhe kërkesa, përgatitja e kujdesshme dhe vëmendja ndaj detajeve mund të çojnë në një rezultat të suksesshëm. Sigurohuni që të keni të gjithë dokumentacionin e nevojshëm, të përmbushni kërkesat financiare dhe gjuhësore dhe të ndiqni me saktësi procedurën e aplikimit. Duke kuptuar kërkesat dhe duke u përgatitur plotësisht, ju mund të kryeni besimplotë aplikimin për vizë bashkimi familjar dhe të bëni hapin e rëndësishëm drejt të jetuarit me partnerin tuaj në MB.
